Deseñamos, instalamos e xestionamos a rede de casas de turismo rural e albergues de Lugo e arredores. Os teus hóspedes conéctanse sen problemas e ti esquéceste do router.
Escríbenos Ver como traballamos
En casas rurais e albergues o problema case nunca é a fibra, senón como chega o sinal a cada habitación.
A pedra e o granito frean o sinal. Un router na entrada non cobre as habitacións do fondo nin o andar de arriba.
O equipo da operadora está pensado para unha familia, non para un albergue cheo á hora da cea.
Hóspedes, ordenador de recepción, TPV e cámaras compartindo rede e contrasinal é un risco para o teu negocio e para os datos dos teus clientes.
Ocupámonos de toda a rede, desde o deseño ata o mantemento.
Estudamos o edificio, decidimos cantos puntos de acceso fan falta e onde, e montamos equipos profesionais xestionados na nube.
Hóspedes, xestión, TPV e cámaras van en redes distintas, cada unha coas súas regras de devasa. Se un dispositivo falla ou se infecta, non afecta ao resto.
Páxina de benvida ao conectarse, co nome do teu aloxamento e as condicións de uso, e a velocidade repartida para que ninguén acapare a conexión.
Vixiamos a rede a distancia, aplicamos actualizacións e gardamos copia da configuración dos equipos. A maioría das incidencias resólvense sen desprazarnos.
Tamén baixo petición: conexión de respaldo 4G/5G para cando cae a liña principal, e conexión das cámaras que xa teñas a unha rede separada.
Catro pasos, sempre na mesma orde.
Imos ao teu aloxamento, medimos o sinal actual e falamos do que necesitas.
Dámosche por escrito que imos instalar e canto custa. Sen sorpresas na factura.
Montamos e configuramos os equipos, probamos a cobertura habitación por habitación e explicámosche como funciona.
A partir de aí xestionamos a rede a distancia, con soporte de luns a venres, de 9 a 20 h.
A primeira visita e o orzamento non teñen custo.
Casas antigas rehabilitadas, varias plantas e poucas habitacións. Buscamos cobertura completa cos mínimos equipos posibles, ben integrados na casa, e unha rede que funcione soa mentres ti atendes aos hóspedes.
Moitos peregrinos e viaxeiros conectados á vez, á mesma hora e con moita rotación. A rede ten que repartir ben a conexión e aguantar os picos de uso.
Son Juan Manuel Grandío, técnico de sistemas e redes de Lugo. Formeime en Administración de Sistemas Informáticos en Rede (ASIR) e levo anos en soporte técnico, administración de sistemas e atención a clientes de empresas de aloxamento web.